Family Fun Run / Walk




Die personeel van die Sanlam Lewens Kliëntekontaksentrum ondersteun die SA Kinderhuis as deel van ons Korporatiewe Maatskaplike Beleggings-inisiatief.

Die SA Kinderhuis is in 1808 gestig en hulle is die oudste kinderhuis in die land. Hulle is geleë by Ivanhoestraat 3, Tuine, Kaapstad en hulle was verlede jaar 200 jaar oud. Die huis versorg 46 kinders vanuit verskillende gemeenskappe (50% Gekleurd, 30% Swart & 20% Blank) tussen die ouderdomme van 8 en 18 jaar. Die huis benodig hulp ondersteuning met die dag-tot-dag versorging van die kinders. Een van hul dringendste behoeftes is die opgradering van hul badkamers.

Die SA Kinderhuis ontvang minder as 50% van hul finansies wat benodig word vir die versorging van die kinders vanaf die staat. Daarom is die SA Kinderhuis afhanklik van donasies en fondse wat deur projekte soos hierdie pretdraf/loop ingesamel word.

Die kinders word deur die Kinderhof vir 'n aanvanklike periode van twee jaar by die kinderhuis geplaas, maar sommige kinders is reeds vir 'n aantal jare in die kinderhuis. Die doel is om 'n verskil in hierdie kinders se lewens te maak. Sonder ons en u hulp en ondersteuning sal hulle sukkel om hul omstandighede te hanteer.

Ek vertrou dat ons op u ondersteuning deur middel van deelname aan ons Pretdraf/Loop kan staatmaak. U ondersteuning sal waardeer word.

Melinda Pretorius