Ouderdomsgroep: Master
Beroep: Elektroniese ingenieur, tans vennoot in maatskappy wat radars ontwerp en vervaardig vir sporttoepassings (gholf, krieket, tennis, bofbal, sokker, en veldatletiek) asook vir militere gebruike.
Aantal jare by klub: 17 jaar.
Hoe lank hardloop jy al: 18 jaar padwedlope.
Kilometers per week (tans - September 2010): 40-45 km. Sluit gewoonlik ‘n padwedloop in.
Gunsteling wedloop: Kogelberg 21, alternatiewelik Meiringspoort 21.
Gunstelinge hardloopskoene: Sonder twyfel Asics. Meeste ander maak seer, of het lugborrels wat pap word met die duwweltjies op Bellville se sypaadjies.
Doelwitte vir 2010 (enige iets): Om te oefen om vinniger te hardloop! Ek oefen nou meestal om stadig te hardloop.
Ander belangstellings: Rugby, krieket (kyk), atletiek (kyk en doen).
Gunsteling musiek: 60’s en 70’s popmusiek – werk maar self uit hoekom. Sal ook rondkyk vir ’n dansmaat by ’n rugbydans as die konsertina wegval. Deesdae ook “big band swing”.
Laaste fliek gesien: In ’n regte fliek? Kan nie onthou nie.
Laaste boek gelees: From Babel to Dragomans, van Bernard Lewis. Dis ’n geskiedenis van die Midde-Ooste. Tans besig met Moneyball: The Art of Winning an Unfair Game, deur Michael Lewis. Gaan oor hoe ’n wetenskaplike benadering ’n kleinerige bofbalspan in die VSA uitermate suksesvol gemaak het.
Ek eet graag: Sjokolade en kerrie (nie gelyktydig nie).
Ek drink graag: Bier, coke, goeie wyn.
Wat doen jy met jou vrye tyd as jy nie hardloop nie: Ongelukkig het ek maar min vrye tyd. Wanneer ek kan sal ek lees of stap.
Wat weet bitter min mense van jou: Wat atletiek betref: Het eers op 37 jaar ouderdom aan padwedlope begin deelneem. Altyd gedink mense wat verder as 1 500 m hardloop is nie eintlik atlete nie.
My 10de Twee Oseane Ultra voltooi met gebreekte ribbes.
Wat werk betref: Het gedurende my loopbaan ruimtetuie ontwerp.
Wat persoonlike belangstellings betref: Het op ‘n stadium skilderkunsklasse geneem, maar skilder nie meer nie. Was ook amateur musikant – kitaarspeler. Deesdae ook maar min daarvan.